Ginpasiguro ni Police Col. Julio Gustilo Jr., Provincial Director sang Capiz Police Provincial Office (CPPO) nga mangin istrikto ang kapulisan sa pagpatuman sang mga minimum health protocols sa mga border checkpoints pasulod sa Roxas City.
Sa ginpatigayon nga send-off ceremony kaina sang aga, ginpahanumdum ni Gustilo ang mga kapulisan/ opisyales sang barangay/force multipliers kag military personnel nga istrikto nga ipatuman ang mga pagsulundan partikular ang nasaad sa Executive order sang alkalde sang syudad angut sa pagpaidalum na sa Modified Enhanced Community Quarantine (MECQ) sang Roxas City subong nga adlaw.
Nahibaluan nga mangin 24 oras ang operasyon sa border checkpoint gani nagdeploy sang 282 ka mga pulis, 82 ang gikan sa Roxas City PNP, 27 ang military personnel.
Suno kay Gustilo nga pangunahan sang mga kapulisan ang border checkpoint kaupod ang augmentation team.
Samtang nag-apelar si Col. Gustilo sa publiko nga magkooperar sa ginapatuman nga mga pagsulundan bangud katuyuan sang gobyerno nga matapna na ang pagtaas sang COVID-19 cases sa syudad sang Roxas.
