ROXAS CITY – Dakup sa akto ang 60-anyos nga lalaki matapos nga nagpatigayon sang iligal nga ‘STL’ sa Sitio Crossing Casoy, Barangay Cabungahan, banwa sang Panit-an.
Ginkilala ang gindakop kay Rogelio Delmoy, residente sang amu nga barangay.
Sandig sa impormasyon nga nakuha sang Bombo Radyo sa Panit-an MPS, alas-8:30 kahapon sang aga, Setyembre 20, sang nagpatigayon sang Anti-illegal gambling operation ang kapulisan, kag nakit-an si Delmoy nga nagbaton sang kuwarta bilang taya’ sa iligal nga bookies ukon ‘STL.’
Narekober sa naaresto ang P190 nga kuwarta sa nagkalain-lain nga denominasyon, 1 ka cotejo, itom nga ballpen kag 1 ka daan nga nga resibo sang 888 good fortune gaming ventures.
Ginlapas ni Delmoy ang Presidential Decree 1602 as amended by RA 9287 ukon ‘Anti-illegal Gambling Act.’
Sa karon, nagapabilin ini sa kustodiya sang Panit-an MPS, para sa nagakaigo nga disposisyon.
