Senior Citizen, dakop sang mga otoridad nga nagapataya sang iligal nga pasugal sa banwa sang Tapaz

ROXAS CITY – Dakop ang isa ka lalaki nga senior citizen nga nagapataya sang iligal nga pasugal ukon “bookies” sa Barangay Bagong Bario, Tapaz, Capiz.

Ginkilala ang nadakpan nga senior citizen nga si alyas “ Bingbing”, nagapang-edaron sang 71-anyos kag residente sang nasambit nga lugar.

Narekober sa posisyon sang senior citizen ang mga gambling paraphernalia , cotejo kag P150 nga koleksyon sang iya pataya.

Pagbayolar sa R.A. 9287 ang pagaatubangon nga panumbongon sang amu nga akusado. Sa karon, yara na ini sa kustodiya sang Tapaz Municipal Police Station para sa nagakaigo nga disposisyon.