Senior citizen, gin-utas ang kaugalingon nga kabuhi sa Pres. Roxas

ROXAS CITY – Wala na sang kabuhi sang masapwan ang senior citizen, matapos ginapatihan nga gin-utas ang kaugalingon nga kabuhi sa Barangay Cabug Cabug, President Roxas, Capiz.

Ang wala na ginhingadlan nga biktima ang nagapang-edaron sang 64-anyos kag residente sang nasambit nga barangay.

Sangid sa impormasyon nagikan sa mga kapulisan sang Pres. Roxas MPS, nga may nagpalab-ot sa ila sang impormasyon angut sa insidente kag pag-abot sa lugar, nasapwan nga nagabitay na ang biktima.

Nahibaluan nga nagasupreher sang mild stroke kag highblood ang senior citizen.

May ginbilin man ini nga ‘note’ sa iya upod sa balay nga nagapangayo sang pasaylo sa ginhimo.

Ginpadangat pa ini sa ila Rural Health Unit apang gindeklarar nga dead on arrival sang doktor.