ROXAS CITY – Patay ang 61-anyos nga lalaki matapos luthangon sa Barangay Jebacca, Maayon, Capiz.
Ginkilala ang biktima nga si Antonio Hulas sang Barangay Jebacca, Maayon nga nakaangkon sang pilas sa dughan samtang nagapabilin nga at-large ang suspek nga si Rick Pacete 21-anyos sang Barangay Alayunan, Maayon.
Hubog nga nagpauli sa ila balay ang suspek, kag ginpangita sa lolo ang bote sang ilimnon, apang sang ginhambalan nga iya na ini naubos, nagbiya na lamang ang suspek kag nagkadto sa ila gina-ulingan.
Apang wala nagdugay nakabati si Lolo Reynaldo Pacete sang lupok sang armas kag sa iya pagtsekyar nakita sini ang duguon nga si Hulas nga ginluthang sang apo.
Samtang gindeklara naman nga dead in arrival sang mag-abot sa ospital ang biktima
Nagaguwa sa inisyal nga imbestigasyon sang pulisya nga posible daan nga hiligut-anon ang motibo sa krimen.
