Senior citizen ginreklamo ang pagsulod sa ila balay sang naka-brief nga lalaki

ROXAS CITY – Nagparekord sa Roxas City police station ang isa ka senior citizen matapos ginaalegar ginsulod sila sang isa ka lalaki nga naka-brief lamang sa Sitio Kalubihan, Barangay Tanque, Roxas City.

Suno sa tagreklamo nga si Alicia Banaybanay, 68 anyos sang amo nga lugar ila nabugtawan nga nagagahud ang ila  mga kasapatan rason nga ginkadtuan ini sang iya bana.

Didto nakita nga nagakuob-kuob samtang nagapanago sa isa ka guba nga refrigerator ang ginareklamo nga si Jeson Nepumoceno, 22 anyos kag residente man sang nasambit nga lugar.

Nahibaluan nga nagasuksuk lamang sang brief ang amo nga ginareklamo matapos makita sang mga tag-iya sa amo nga balay.