ROXAS CITY – Patay ang isa ka senior citizen matapos nga gina alegar nabungguan sang isa ka motorsiklo sa National Highway sang Barangay Bitoon Ilaya, Cuartero, Capiz.
Ginkilala ang biktima kay Thelma Flagne, 74-anyos kag residente sang nasambit nga Barangay.
Sandig sa inisyal nga imbestigasyon sang mga katapo sang Cuartero Municipal Police Station nga tuyo kuntani mag tabok sa pihak nga linya sang Karsada ang biktima sang aksidente ini nga mabungguan sang nagapadulong nga motorsiklo nga gina maneho ni Marvin Cortes, 26-anyos kag residente sang Barangay Aglalana, Dumarao, Capiz.
Gin padangat pa ini sa pinakamalapit nga ospital apang gin bawian man sang iya kabuhi.
Sa dugang nga imbestigasyon sang mga Kapulisan nga suno sa driver sang motorsiklo, gina alegar alang-alang ang pagtabok sang biktima rason nga wala sini makontrol ang iya motorsiklo kag aksidente ini nabungguan ang nasambit nga senior citizen.
Nag angkon naman sang gasgas sa magkatuhay nga porsyon sang lawas si Cortes kag ang iya back rider.
Nahibaluan nga padulong sa direksyon sa Siyudad sang Roxas ang amu nga motorsiklo.
Sa karon, yara sa kustodiya sang Cuartero Municipal Police Station ang nasambit nga suspek samtang gina hulat pa ang desisyon sang Pamilya sang biktima kun magapasaka ini sang panumbugon batuk sa suspek.
