Senior citizen nag-angkon sang 2nd degree burn matapos nasunog ang balay sa Capiz

ROXAS CITY – Pilason ang isa ka senior citizen matapos masunog ang balay sa Sitio Nasagud, Barangay Lanot, Roxas City.

Ginkilala ang biktima nga si Nelson Sario nga nag-angkon sang 2^nd degree burn sa lawas nga ginabulong karon sa ospital.

Suno kay FO3 Jonel Cortez nga totally burned ang balay ni Sario nga maswerte nga nakadalagan paguwa sa nasunog nga balay.

Ba-se sa inisyal nga imbestigasyon sang arson investigator sang Roxas City Fire Station nga nagaisahanon lamang ang biktima sang magluntad ang sunog.

Magluwas sa balay ni Sario partially burned man ang kaingud nga balay sang biktima.

Nagapadayon sa karon ang imbestigasyon sang Bureau of Fire Protection Roxas para matumod ang ginsuguran sang sunog.