ROXAS CITY – Nag-angkon sang pilas sa dughan kag ulo ang isa ka senior citizen matapos nga ginaalegar ginlampusan sang lagari sa Barangay Culasi, Roxas City.
Ginkilala ang biktima kay Monoy Gregorio, 60 anyos sang nasambit man nga lugar.
Sandig sa inisyal nga imbestigasyon nga ginlampusan sang suspek nga si Rommel Arellado, 49 anyos sang amo man nga lugar ang nasambit nga biktima.
Suno kay Justine Nacion, 18 anyos kag temporaryo nga nagaistar sa amo nga lugar nga nabatian sini ang mga botelya nagkalabuka rason nga ginpadulungan niya ini.
Didto kag nakita niya nalang sa isa ka sakayan ang biktima nga may pilas nasa dughan kag ulo tuga sang pagpanglampos sang suspek sang lagari.
Ginpanginwala naman sang suspek nga si Arellado nga siya ang responsable sa natabo sa biktima.
Ginapatihan nga indi pag-intiendihanay ang rason sang nasambit nga insidente.
