ROXAS CITY – Nagpabalhag sa Roxas City Police Station ang isa ka senior citizen matapos nga ginaalegar ginareklamo ang kabulig nga wala na nakabalik dala ang pila ka mga kagamitan sa Km. 2, Barangay Lawaan, Roxas City.
Ginkilala ang tagreklamo nga si Rosalinda Davila 68-anyos sang amo nga lugar.
Sandig sa ginpabalhag sang tagreklamo nga Setyembre 18 nagpauli ang ila nga kabulig nga si Jessa Mae Pondevida 21-anyos sang Barangay Nasulang, Dumarao, Capiz.
Mahibaluan nga naglaong ini sa tagreklakmo nga magpauli anay bangud magabalik man ini sa Setyembre 20.
Apang, tubtob subong wala ini nakabalik sa ila.
Ginaalegar pa sang tagreklamo nga gina-contact niya man ini agud kuntani nga mangkuton kun gindala sini ang nadula nga nebulizers kag air bed apang wala ini nagasabat.
Bangud diri, ginpakamaayo na lamang sang tagreklamo nga iparekord sa pulisya ang natabo.
