ROXAS CITY – Patay na sang nasapwan ang isa ka senior citizen sa sulod mismo sang iya balay sa Barangay Salcedo, Dumarao, Capiz.
Ginkilala ang napatay nga biktima kay Merlinda Peñolan, 74 anyos, residente sang nasambit man nga lugar.
Base sa inisyal nga imbestigasyon sang mga kapulisan, ginkatingala sang hinablos sang biktima nga si Ryan Peñolan nga wala pa makaguha ang iya tiya apisar nga adlaw na.
Bangud diri, nagdesidir si Ryan nga sudlon ang balay kag didto iya ginkakibot sang makit-an nga nagahuray-ad na ang iya tiya sa salog kag wala na sang kabuhi.
Gindala pa ini sa ospital apang gindeklarar nga dead on arival sang attending physician.
Ginapatihan nga gin-atake ang ginang bangud may yara ini sang high bloob.
Natalana naman nga ipaidalom sang pamilya sa autopsy examination ang bangkay sang nasambit nga biktima.
