Senior citizen, nasapwan-patay sa sulod sang iya payag sa banwa sang Ivisan

ROXAS CITY – Patay na sang masapwan ang isa ka senior citizen sa sulod sang iya payag, sa Brgy. Ilaya-Ivisan, Ivisan, Capiz.

Ginkilala ang biktima kay Rufino Barreto, 60-anyos, wala sang asawa kag residente sang amu nga lugar.

Sa impormasyon nga nakuha sang Bombo Radyo sa Ivisan MPS, ginpahayag nga natalupangdan ni Teresita Barreto, nga pila na ka adlaw nga wala makaguwa sa iya payag ang iya utod, rason nga ginpadulongan niya ini.

Apang, nasapwan nalang nga yara na sa state of decomposition ang biktima.

Nagapati ang himata sang biktima nga wala sang foul play sa kamatayon sini.

Posible nga gin-atake sa iya sakit nga hypertension ang biktima.

Sa karon, yara na ang bangkay sini sa punerarya.