ROXAS CITY – Halos indi mabaton sang 65-anyos nga senior citizen ang ginaalegar pagpanghilo patay sa iya mga hinuptan nga ido sa Barangay Sibaguan, Roxas City.
Sa interview sang Bombo Radyo kay Juliet Anonat sang amo nga lugar ginpahayag sini nga napatay gid ang iya duha ka hinuptan nga ido nga may breed nga Labrador matapos nga ginhiluan ini.
Suno kay Anonat nga posible ang nagapalambo sang baka sa tabuk nila balay ang naghilo sa iya mga kasapatan.
Ginpahayag sini nga indi lamang ini isa ka beses natabo bangud natabo naman ini sang tinalikdan nga tuig kun sa diin naubos man kalamatay ang iya hinuptan nga ido matapos nga ginaalegar ginhiluan.
Nahibaluan nga ginpalab-ot niya man ini sa mga opisyales sang ila barangay apang wala man ini ginasapak.
Samtang, ang ginamit naman nga paghilo sa iya mga ido ang ginamit nga hilo sa mga ilaga.
