ROXAS CITY – Dead on arrival ang isa ka senior citizen matapos nga ginaalegar ginbungguan sang iya ginamaneho nga motorsiklo ang isa man ka motorsiklo sa Barangay Sta. Fe, Pilar, Capiz.
Ginkilala ang napatay nga biktima nga si Leopoldo Besonia, 73 anyos sang Barangay Kinalkalan, Iloilo.
Suno kay Police Corporal Jaypee Tumugda, imbestigador sang Pilar Municipal Police station nga samtang ginasubay sang duha ka mga driver sang motorsiklo ang amo nga dalanon aksidente nga nabungguan ni Besonia ang motorsiklo nga ginamaneho ni Vicente Pelaga, 67 anyos sang Barangay San Ramon, Pilar, Capiz.
Bangud sa mabaskog nga impact sang pagkabunggo, natumba ang duha ka motorsiklo rason nga nag-angkon sang pilas sa tiil kag kamot si Pelaga samtang patal nga pilas naman sa ulo ang naangkon ni Besonia.
Gintinghuan pa nga madala ni Pelasa si Besonia sa ospital sa banwa sang Iloilo apang gindeklarar man ini nga dead on arrival.
