ROXAS CITY – Karsel ang ginsudlan sang 81-anyos nga lolo matapos nadakpan nga nagadala sang armas sa pagbisita sa sementeryo sa banwa sang Mambusao kasunod sa pag-obserbar sang All Saint’s Day.
Panumbungon nga paglapas sa RA 10591 ukon illegal possession of firearms and ammunition ang paga-atubangon ni Napoleon Jumbas sang Poblacion Tabuc, Mambusao, Capiz.
Natalupangdan sang mga pulis nga yara sa Mambusao Public Cemetery nga may nagabukol sa kilid ni Jumbas.
Sa pagtsekyar sang mga pulis sa kilid sang tigulang nakita ang .9mm pistol, magazine nga may onse ka mga bala.
Ginaalegar naman sang senior citizen nga gindala lamang sini ang armas bilang proteksyon sa iya kaugalingon.
Samtang nahibaluan nga expired na ang lisensiya sang pusil ni Jumbas.
