Nakorner ang 61 anyos nga lalaki sa sulod sang isa ka vape shop sa Barangay Sauyo, Quezon City.
Nakit-an sang tag-iya sang shop sa iya Closed Circuit Television ang footage sang senior citizen nga nagsulod sa establisimento kag may ginkuha nga pagkabutang.
Matapos makuha ang mga pagkabutang sa sulod sang cabinet, nagsid-ing ang lalaki sa guwa gikan sa roll-up door agud nga maguwa na kuntani.
Apang sa baylo nga makapalagyo, napaslawan ini bangud indi na niya mabuksan pa ang roll-up door.
Suno sa pulis, bag-o lamang nagsirado ang vape shop sang matabo ang insidente.
Antes natabo ang insidente, namulalungon na ang lalaki sang tag-iya sang vape shop nga nagalabay-labay sa lugar.
Nabawi sa suspek ang ginkawat sini nga P3,000 nga kwarta kag vape products nga nagabalor sang P1,300.
Sandig naman sa panaysayon ang suspek, may sakit sa tagipusuon ang iya anak rason nga nahimo niya ang pagpangawat.
