ROXAS CITY – Dakup ang isa ka 82 anyos nga mister matapos serbihan sang warrant of arrest sang kapulisan sa Barangay Lacaron, Dao, Capiz.
Pinaagi sa gintingub nga pwersa sang Roxas City Police Station, Capiz Provincial Mobile Force Company, Criminal Investigation and Detection Group, Highway Patrol Group – Capiz, 602nd Maritime Police Station kag Dao Municipal Police Station natigayon nga madakpan ang akusado nga si Juanito Layo, 82 anyos kag residente sang nasambit nga lugar.
Ang nasambit nga akusado ang nagapangatubang sang duha ka mga kaso.
Una ang Illegal Possession of Firearms and Ammunitions nga may P50,000 nga pyansa kag COMELEC Gun Ban nga may yara sang P3,000 nga pyansa.
Nahibaluan nga tuig 1992 pa sang gin-isyu ang amo nga warrant of arrest kag subong lamang nadakpan sang mga otoridad.
Sa karon, nagapabilin sa kostodiya sang mga otoridad ang akusado kag natalana nga i-presentar sa korte.
