Patay ang 60-anyos nga lalaki matapos ginluthang kag ginhaboyan sang granada samtang nagamaneho sang iya multicab.
Natabo ini sadtong Sabado, Abril 18, sa Barangay Takepan, Pikit, North Cotabato.
Ang biktima amo si Nano Guiambalanan Salimenang.
Ginpahayag nga gintuyo pa nila nga dal-on sa ospital si Nano apang gindeklarar ini nga dead-on-arrival bangud sang tuman nga pilas sa iya lawas.
Nagaguha sa inisyal nga imbestigasyon sang kapulisan nga riding in tandem ang mga suspetsado kag gilayon nga nagpalagyo matapos makomiter ang krimen.
Narekober sa crime scene ang empty shells sang kalibre .45 nga pistol kag ang safety lever sang granada nga ginpalupok.
Padayon pa nga gina-imbestigaran sang mga otoridad ang kaso samtang ginatinguhaan nga mahibaluan ang motibo sa krimen
