ROXAS CITY – Patay ang isa ka senior citizen matapos natambakan sang konkreto nga atup sang isa ka abandonado nga balay sa Sitio Pook, Barangay Culasi, Roxas City.
Ginkilala ang biktima nga si Josefina Villanueva, nagaisahanon nga naga-estar sa payag nga gintabid lamang sa abandonado nga balay.
Nag-angkon sang patal nga pilas sa ulo kag nawong ang biktima bangud sa mabug-at nga semento nga nagtambak diri.
Suno sa hinablos sang biktima nga nagaisahanon lamang sa iya payag ang tiya bangud wala ini nagpasugot sa gusto sang anak nga didto sa iya mag-estar.
Nahibaluan nga ginadalhan na lamang sang pagkaon sa iya nga payag ang biktima.
Katapusan nga nakita ang biktima kahapon sa diin nagsaug-ob pa ini sang tubig sa bubon.
Padayon sa karon ang imbestigasyon sa pulisya sa insedente.
