ROSARIO, Pilar Capiz – Pilason ang isa ka senior citizen matapos ang nagluntad nga vehicular accident sa Barangay Rosario, Pilar, Capiz.
Ginkilala ang biktima sakay alias Virgil, isa ka senior citizen, residente sang Brgy. Olalo, Pilar, Capiz kag ang suspek sakay alias Mark, 18-anyos, residente sang Brgy. Cayos, Pilar, Capiz.
Sa interview sang Bombo Radyo kay Police Captain Achilles P. Fangco Jr., Officer in Charge sang Pilar Municipal Police Station, iya ginpahayag natabo ang insidente takna sang 9:00 sa aga kun sa diin bumunggo ang motor ni alias Mark sa nauna nga motorsiklo nga ginamaneho ni alias Virgil.
Suno kay PCPT Fangco Jr., pakadto kuntani ang duha ka motorsiklo sa banwa sang President Roxas, samtang ginasubay sang duha ka motorsiklo siklo ang dalanon hinali nga bumunggo si alias Mark sa nahauna nga motorsiklo nga ginamaneho ni alias Virgil.
Pahayag pa niya ang amo nga insidente nahauna nga narekord sa bulan sang Agosto nga ginapangabay sang Pilar Municipal Police Station nga indi na matabo
Dugang pa sang pahanumdom, importante man ang pagpraktis sang defensive driving, mangin alerto, magsunod sa traffic rules kag maghatag sang konsiderasyon sa iban nga motorista agud malikawan ang aksidente kag mapabilin nga luwas ang tanan.
