PANAY CAPIZ – Pilason ang senior citizen, matapos aksidente nga mabungguan sang motorsiklo samtang nagatabok sa dalan sa Barangay Agbalo, Panay, Capiz.
Ginkilala ang biktima kay Federico Bolante, 81-anyos kag residente sang Barangay Agbalo, Panay, Capiz samtang ang ginapahayag driver sang motorsiklo ang ginkilala kay John Paul Biclar 18-anyos kag residente sang Sitio Andaya, Barangay Tacas, Pontevedra, Capiz.
Sa impormasyon nga nakuha sang Bombo Radyo nagikan sa Panay Municipal Police Station, ginapahayag nga samtang nagatabok sa dalan si Bolante aksidente ini nga nabungguan sang Suzuki nga motorsiklo nga nagaduag itom kag ginamaneho ni Biclar nga nagikan sa banwa sang Pontevedra kag padulong kun tani sa syudad sang Roxas.
Bangud sa impact sang pagkabunggo, nag-angkon sang pilas sa magkatuhay nga parte sang lawas ang biktima kag ginpadangat sa Roxas Memorial Provincial Hospital par sa pagbulong subong man ang driver naman sang motorsiklo nga ginpadangat naman sa isa ka pribado nga ospital.
Sa karun, yara na sa paghinakop sang Panay MPS ang nasambit nga motorsiklo para sa nagakaigo nga disposisyon.
