-- ADVERTISEMENT --
ROXAS CITY – Pilason ang 64-anyos nga lalaki matapos nga aksidente nabungguan sang motorsiklo sa Sitio Cabugao, Barangay Dacuton Dumarao, Capiz.
Ginkilala ang biktima nga si Judito Arellano sang amo nga lugar.
Sa inisyal nga imbestigasyon sang mga kapulisan nga samtang ginamaneho sang biktima ang iya motorsiklo kag magatabuk na kuntani sa pihak nga dalan aksidente na lamang ini nabungguan sang motorsiklo ni alyas Mark kaupod ang isa ka menor de edad nga lalaki.
Bangud diri, nag-angkon sang pilas sa lawas ang biktima nga gilayon naman gindala sa Dao District Hospital para sa nagakaigo nga pagbulong.
