-- ADVERTISEMENT --
ROXAS CITY – Pilason ang senior citizen matapos nga nakabunggo sang layaw nga ido ang ginamaneho sini nga motorsiklo sa Barangay Candual, Panay Capiz.
Ginkilala ang biktima nga si Salvador Villanueva, residente sang Barangay Lanot, sining siyudad apang temporaryo nga nagapuyo sa Barangay Poblacion Tabuc sang nasambit nga banwa.
Sandig sa inisyal nga imbestigasyon sang Panay Municipal Police Station nga samtang ginasubay sang biktima ang dalanon sakay sa iya nga motorsiklo kag hinali na lamang ini nakabunggo sang layaw nga ido kag aksidente niya ini nga nabungguan.
Bangud diri, natumba sa dalanon ang biktima kag nag-angkon sang pilas sa magkatuhay nga porsyon sang iya nga lawas.
