ROXAS CITY– Nagpadulong sa istasyon sang Bombo Radyo Roxas ang 69-anyos nga Senior Citizen agud magpalab-ot sang reklamo bangud sa nabatun sini nga komento halin sa Presidente sang Senior citizen sang Brgy. Bolo Roxas City
Ang tagreklamo amo si Adelaida Orola, 69-anyos kag residente sang nasambit nga barangay.
Suno kay Orola, wala sini naluyagan ang komento sa iya sang Presidente nga iligal ang iya asosasyon nga ginpatindog kag nagapanukot ini sang iligal sa ila Barangay.
Apang, ginkakibot lamang niya sang may mga negatibo nga komento ini nga nabatian sa kapareho nga senior citizen.
Sa pihak nga bahin, nagsabat naman ang Presidente sang Senior Citizen Association nga si Mr. Samuel Ureta.
Suno sa iya, may nabaton ang iya talatapan nga may nagapanukot sa ila barangay sang 60 pesos rason nga gin ako man sini nga naka buya siya sang tinaga sa ila group chat nga iligal ang amo nga tikang kag nagapang solicit pa si Orola sa ila Barangay.
Dugang pa ni Ureta, nag-atubangay naman sila sa barangay para maathag ang magtimbang nga bahin.
Pahayag niya, nagakabalaka lamang siya sa mga senior citizen sang Barangay Bolo bangud kun kaisa madamo siya sang nabaton nga reklamo batuk kay Orola.
Sa pihak sini, bukas man siya sa paghatag sang pasaylo para sa paghiliusa sang katigulangan sang Brgy. Bolo kag maayo nga pagsulundan sa ila nga asosasyon.
