Nasubuan ang isa ka Senior High School teacher matapos ginbasura sang Korte Suprema ang petisyon nga iya ginpasaka may kaangtanan sa nagaluntad nga liderato sang Senado.
Sa interview sang Bombo Radyo kay John Barry Tayam, iya ginpahayag nga ang petisyon ang nagapangayo nga kilalahon bilang legal kag valid ang session sang Senado sang Hunyo 3, 2026, kun diin ginpahayag nga may ginpatigayon nga quorum apisar dose lamang ka senador ang nagtambong kag nagresulta sa reorganisasyon sang liderato kag mga komite sang Senado.
Apang suno sa Korte Suprema, kulang sa “legal standing” ang petisyon bangud wala napakita nga direkta nga naapektuhan ang nasambit nga manunudlogikan sa aksyon.
Sa subong, ginahulat pa sang natungdan ang kopya sang resolution agud nga tun-an ang mga masunod nga tikang angut sa petition.
