ROXAS CITY – Magapatigayon sang separado nga imbestigasyon ang Capiz Internal Affairs Service ukon Capiz PIAS sang Capiz Police Provincial Office (CPPO) agud matul-id ang nangin kamatayon ni Police Executive Master Sergeant Edgar Durias sang President Roxas PNP.
Ginpahayag ni Lt. Col. Erwin Margarejo, head sang Capiz PIAS nga magapatigayon sang moto propio investigation sa insedente bangud involved diri ang isa ka pulis.
Indi man makahatag sang konklusyon sa karon kun ano ang gintunaan sang kamatayon ni Durias sa pihak sang mga alegasyon nga nagkomiter sang suicide ang biktima bangud ginahulat pa ang forensic result. Ginmanduan naman ni Margarejo si Police Captain Armando Clavaton, hepe sang President Roxas PNP nga ipaidalum sa paraffin test ang mga personnel sang President Roxas PNP nga nakaduty sang nagluntad ang insedente agud mapakita ang neutrality sang imbestigasyon
