Maathag kag klaro nga sabat ang tinutuyo sang paglakip ni Roxas City Councilor Midel Ocampo sa iya nga privilige speech sang padayon nga problema sa suplay sang tubig sa Roxas City kag serbisyo sang Metro Roxas Water District (MRWD).
Sa interview sang Bombo Radyo kay Ocampo, iya ginpahayag nga may nagpalab-ot sa ila talatapan nga pila ka mga reklamo parte sa kakulang sang supply sang tubig nga nagakaapekto sa adlaw-adlaw nga kabuhi sang pumuluyo.
Suno sa iya, detalyado nga update kag advisory ilabi na sa schedule sang water interruption kun may yara kag mga barangay nga apektado, agud makapreparar ang mga residente.
Nagalaum man ang natungdan nga mahatagan sang sabat sang nasambit nga talatapan ang amo nga problema sa labing madali nga panahon.
Samtang bukas naman ang istasyon sang Bombo Radyo Roxas para sa sabat sang Metro Roxas Water District angut sa nasambit nga isyu.
