Nakatalana nga pagapasakaan ang pagpanukot sang service charge sa eroplano.
Ini ang base sa memorandum nga gin-isyu sang Civil Aviation Authority of the Philippines (CAAP) bag-o paman ang ginalauman nga pagtaas sang travel demand bangud sa summer season.
Sa memorandum circular nga ginpirmahan sadtong Abril 4, ginpahayag sang CAAP nga ang passenger service charge (PSC) para sa international flights ang ginpasaka sa P900 halin sa anay P550.
Para sa domestic flights, ang mga pasahero ang kinahanglan nga magbayad sang P350 kun magbiyahe halin sa international airports, P300 para sa principal class 1 airports, P200 para sa principal class 2 airports kag P100 para sa community airports.
Sa karon ang passenger service charge para sa domestic flights ang yara sa P200.
Nakasaad sa circular nga kun sin-uman nga pasahero ang magpamalibad ukon mapaslawan nga magbayad sang ginakinahanglan nga passenger service charge ang dapat nga mapunggan nga makasakay sa eroplano.
Tanan nga mga pasahero ang kinahanglan nga magbayad magluwas nalang sa mga bata nga may edad nga 2 ka tuig panubo, transit passengers, OFWs nga nagapadulong sa abroad.
Nakatalana nga mangin epektibo ang nasambit nga memo, 15 ka adlaw matapos ito nga mabalhag sa 2 ka pamantalaan nga may pangkabug-usan nga sirkulasyon.
