Service crew, nagpalanakit ang lawas matapos ginlampusan sang wala matumod nga bagay

ROXAS CITY – Nag-angkon sang pilas kag nagpalanakit ang lawas sang isa ka crew sang fast food chain matapos ginaalegar ginlampusan ini sang matig-a nga bagay sa Barangay Tanque, Roxas City.

Ang biktima ang ginkilala nga si Agustin Concepcion, 24 anyos.

Base sa pahayag sang biktima, ginhampak ini sang matig-a nga bagay sa likod sang iya ulo sang suspek nga si Edwin Labisora.

Bangud diri, gilayon ini nga nagpangayo sang responde sa kapulisan.