ROXAS CITY – Nangin mainit ang sesyon sang Sangguniang Panlalawigan sang Capiz matapos nangin bisita ang PCSO provincial branch manager nga si Jenette Lloyd.
Naging sentro sang pag-estoryahanay amo ang operasyon sang Small Town Lottery (STL) sa maabot nga Agosto 9, 2017.
Una nga ginpresentar ni Lloyd ang mga programa sang ahensiya nga wala sang iban nga makabenepisyo kundi ang mga Capizeño.
Gin-athag man sini ang mabaton nga share sang provincial government, local government unit kag PNP kada bulan gikan sa STL kag ini ang mangin pangontra batuk sa iligal nga sugal.
Gilayon naman nga ginkwestyon ni Board member Jonathan ”Sonny” Besa ang wala pagpahibalo sa ila nga mga opisyales sa probinsiya sang PCSO kag pag-angon sang public consultation agud mahibaluan kun pabor ukon indi ang publiko sa STL.
Apang sa pihak sang mga pagkweston nagpanindugan ang provincial branch manager sang PCSO nga ipadayon sa gihapon ang operasyon sang STL sa maabot nga Agosto 9, 2017.
Nahibaluan nga indi lamang ang Simbahan Katolika ang nagapamatuk sa pag-operate sang STL, kundi mangin ang gobernador sang probinsiya kag pila ka pribado nga sektor, bangud nagatuga ini sang adiksyon sa tawo.
Sesyon sang Sangguniang Panlalawigan nangin mainit bangud sa isyu sang STL
-- ADVERTISEMENT --
