Maayo ang umpisada sang Strong Group Athletics (SGA) sang patumbahon sini ang United Arab Emirates (UAE) sa score nga 99-91 agud masiguro ang pambuenamano nga daog sa 34th Dubai International Basketball Championship nga ginhiwat sa Al Nasr Club sa Dubai, UAE.
Nagpanguna sa kampanya sang SGA sanday NBA veterans Chris McCullough kag DeMarcus Cousins agud dal-on ang ila nga tropa sa 1-0 record.
Nakapagkit si McCullough, ang 2024 William Jones Cup Most Valuable Player, sang 28 points gikan sa 10-of-17 shooting clip, samtang nagdugang naman si Cousins sang 24 markers, 4 rebounds kag 4 assists.
Daku man ang kontribusyon ni anay NBA gunner Malachi Richardson nga naka-score sang 21 points, samtang nakalista si Rhenz Abando sang 13 marker.
Nagpanguna para sa UAE si naturalized player DeMarco Dickerson nga naka-score sang 25 points kaupod si Qais Alshabebi nga nagrehistro sang 23 markers.
