Shamcey Supsup, nagbiya na sa partido sini matapos ang kontrobersyal nga lahog sang iya kaupdanan

Gin-anunsiyo sang beauty queen-architect kag nagapadalagan nga konsehal sang Pasig City nga si Shamcey Supsup nga nagbiya na ini sa iya nga political party.

Kasunod ini sa kontrobersyal nga pahayag sang iya kaupdanan sa partido nga si Atty. Ian Sia angut sa mga solo parents.

Sa social media account sini, ginpaathag ni Supsup nga wala na nagasanto pa sa grupo ang kaugalian partikular na ang mga kababainhan.

Bilang daku nga pagrespeto sini sa women empowerment, ginpakamaayo sini nga magbiya na lamang sa partido.

Matandaan nga sa ginpatigayon nga caucus nag-angkon sang pagpakamalaut ang ginhimo nga ‘joke’ ni Sia sa mga solo parents nga mahimo suno diri ang mga ini nga makighilawas sa iya.