Nagpalab-ot sang pagpasalamat si Megastar Sharon Cuneta sang Martes matapos nabaton sang iya bana nga si Francis “Kiko” Pangilinan ang partial, unofficial results sang 2025 Senate elections.
Si Pangilinan ang isa sa Top 5 nga mga kandidato sa pagkasenador base sa 80.44% sang election returns nga gin-canvass as of 8:02 a.m.
Sa iya post sa social media, si Cuneta nagsiling: “I believe that miracles still happen.”Ginsaysay man niya nga ang ila bug-os nga pamilya sinsero nga nagpangamuyo bisan ano man ang resulta sang eleksyon.
“Madamo, madamo nga salamat sa inyo nga nagsalig, nagsuporta, nagkampanya, nagpangamuyo kag nagboto kay Kiko,” he added.
Gin-atake man ni Cuneta ang mga troll nga suno sa iya wala sang may nahimo para sa mga intelligent voters kag sa plano sang Diyos.
Nagpalab-ot man ini sang pagpanginbulahan kay Bam Aquino nga yara sa ikaduha nga pwesto sa palumba sa Senado.
