TUGUEGARAO, CAGAYAN – Tinuod gid ang hambalanon nga, “Dogs are man’s best friend.”
Amo ini ang ginpakita nga istorya sang isa ka senior high school graduate halin sa Tuguegarao, Cagayan, nga gin-updan sang iya hinuptanan nga ido sa pinakaespesyal nga adlaw sang iya kabuhi.
Sa baylo nga ginikanan ang mag-upod sa iya sa graduation, ang hinuptanan nga ido nga si Browny ang nangin kaupod ni Jamaica Cabral.
Ang litrato kag video nila nga magkaupod sa seremonya nag-viral matapos ipost sa social media.
Bisan pa man masubo nga wala sang pamilya nga present, ginpabatyag ni Jamaica nga wala siya nagaisahanon — si Browny ang iya padayon nga kaupod sa kabudlayan kag kalipay.
Malumanay kag maayo ang batasan sang ido. Sang ginatawag na si Jamaica sa entablado, nagtinir lang si Browny nga kalmado kag nag-upod pa sa iya, daw kaangay sang isa ka suod nga abyan nga nagapakita sang suporta.
Gintugutan man sang mga school staff ang presensya ni Browny bangud wala ini nagatuga sang problemakag nagpakita sang husto nga pamatasan.
Ang ila istorya nagtudlo sa tanan sang pagpalangga, pagrespeto, kag katutom nga matuod-tuod — bisan halin sa isa ka kasapatan. Indi lang ini graduation story kundi isa ka paandam sa tanan nga ang gugma wala nagapili sang hitsura o estado sa ano man nga kabuhi.
