ROXAS CITY – Nagpangibabaw ang isa ka miyembro sang Silver Lining Organization, isa ka aktibo nga organisayon nga nangin representante sang Sapian MPS sa ginhiwat nga ‘Linyahan Kasama Ang Mga LGBT Advocacy Groups Projects sang Philippine National Police.
Tinutuyo sini nga programa nga ma-promote nga mabuhinan ang diskriminasyon sa mga kautoran nga miyembro sang Lesbian Gay Bisexual Transgender (LGBT).
Nangin tiglawas sang nasambit nga organisasyon si Jhon Paul Marquez, sang nasambit nga banwa.
Sa interview sang Bombo Radyo kay PMSg Catherine Latoja, Police Community Relations, Police Non Commission Officer sang Sapian MPS, suno diri nga wala nila gin-ekspektar nga mapilian ang ila pambato nga amu man ang mangin representante sang Capiz Police Provincial Office sa Regional level.
Nagapati si Latoja nga ang mga miyembro sang nasambit nga organisasyon ang may lugar kag may importante nga role sa sosyodad.
