Kinahanglan nga liwat nga bisitahon kag rebyuhon ang SIM Registration Law subong man ang Implementing Rules and Regulations (IRR) sini, suno sa Department of Information and Communications Technology (DICT).
Suno kay DICT Undersecretary for Infrastructure Management, Cybersecurity and Upskilling Jeffrey Ian Dy may kinahanglan nga tun-an ang implementasyon sang layi.
Indi lamang suno diri ang SIM cards ang ginagamit sang mga scammer kundi subong man ang internet based services agud magpadala sang text scams.
Ginakopya man nila suno diri ang orihinal nga pangalan sang nagkalain-lain nga kompanya kung nagapadala sang mensahe nga may clickable links sa ila luyag nga biktimahon.
Kaangut sini, gin-eksplekar ni Data and information security analyst kag founder of Data Ethics PH Dominic Ligot nga nagagamit man ang mga scammer sang advanced technology agud magpadala sang text scams nga wala nagakinahanglan sang SIM cards rason nga kinahanglan ini hugot nga bantayan.
