Magapatigayon sang forum nahanungod sa transparency, accountability kag good governance ang Simbahan Katolika buwas nga adlaw sa Iloilo humalin alas-8:00 sang aga tubtob alas-5:00 sang hapon.
Paga-updan ini sang mga dinapit nga bisita nga sanday former Department of Budget and Management Undersecretary Cielo Magno kag former Commission on Audit (COA) Commissioner Heidi Mendoza.
Sa interview sang Bombo Radyo kay Monsignor Meliton Oso, Director sang Jaro Archdiocesan Social Action Center, iya ginpahayag nga ang nasambit nga aktibidad ang maga-focus sa importansya sang transparency, accountability kag good governance sa ikaayo sang tanan nga pumuluyo sang pungsod Pilipinas.
Suno kay Msgr. Oso, ang simbahan naga-giya sang sini nga panawagan bangud ang ginapangatubang sang pungsod nahanungod sa kurapsyon ang makabig isyu sa moralidad nga baliskad sa ginasaad sang Bibliya.
Pahayg pa niya, indi na mahimo nga magpabaya, maghipos ukon indi magpasilabot sa issue bangud bilog nga tawo sa pungsod ang involved sa nagkatabo sa diin ginakawat lang ang kwarta nga ginpangabudlayan sang mga ordinaryo nga Pilipino.
Nagapanawagan man ang natungdan sa mga kabataan nga magpartisipar sa sini nga aktibidad agud mapakigbatoan ang mayo nga bwas damlag.
