Nagpahanumdom ang Simbahang Katolika sa importansya sang pagtambong sa Simbang Gabi.
Sa interview sang Bombo Radyo kay Reverend Father Jose Arturo Emilio Arbatin,Spokeperson sang Archdiocese of Capiz,iya ginpahayag nga ang Simbang gabi amo ang pagpamalandong kag pagpreparar sa kaadlawan ni Ginoong Hesus.
Suno kay Reverend Father Arbatin, ang pagsimba sang 9 ka adlaw ang isa ka espirituhanon nga hilikuton nga magapakita sang himpit nga pagtuo bilang isa ka Katoliko.
Pahayag pa niya,bug-os man ang pagbantay sang mga katapo sang kapulisan sa pagpabilin sang kalinong kag katawhay sa palibot sang mga simbahan.
Nagpanawagan man ang natungdan sa publiko nga lakipan sang hangtup nga pagpangamuyo ang pagtambong sang Simbang Gabi kag indi pagpakitang-tao lang.
