Nagpahanumdom ang simbahang katolika sa publiko nga mangin mabinantayon sa nagakahinabo sa palibot.
Sa interview sang Bombo Radyo kay Rev. Msgr. Meliton Oso, Director sang Jaro Archdiocesan Social Action Center, iya ginpahayag nga sa sini nga tanan kita kabahin sa gakahanabo nga pagpangawat sa atun pungsod, direkta man o indi.
Suno pa kay Rev. Msgr. Oso, kinahanglan nga mangin mabinantayon kita ilabi na sa mga public servants nga ubrahon nila ang ila mga obligasyon agud nga ang kwarta nga gintinimakasan natun makadtu sa dapat nga kadtuan.
Pahayag pa niya, lakip sa panawagan sang simbahan nga National Day of Prayer kag Public Repentance amo ang pagboses bangud kun mapaukoy lang kag indi magpanindugan mas magalala pa gid ang kurapsyon sa atun pungsod.
Dugang pa sang natungdan, nagalaum siya nga magabag-o na ang sistema sang atun gobyerno para sa maayo nhga palaabuton sang mga Pilipino kag sang masunod nga henerasyon.
