SINGAPORE – Ipatuman sang Singapore ang mas hugot nga pagdumili sang smartphones kag smartwatches sa secondary schools umpisa Enero agud mapakigbatoan ang digital distractions.
Ang mga pagsulondan sa city-state nga isa sa most digitally connected populations sa bilog nga kalibutan, ang nagadumili sa secondary school students nagikan sa paggamit sang devices sa sulod sang classroom.
Ini ang mas palaparon agud malakip ang non-lesson time sa diin ginamanduan ang mga estudyante nga ibutang ang ila mga phones sa designated storage areas kaangay sang lockers ukon school bags sa tion sang klase.
Katuyuan sini amo nga magtukod sang school environment nga naga-prioritize sa pagtuon sang mga estudyante kag ma-enhance ang ila engagement kag healthier habits sa paggamit sang telepono amo man ang maayo nga well being.
Apang mahimo sa gihapon nga mapahanugotan sang mga eskwelahan ang paggamit sang smartphone kun kinahanglanon kag importante.
