Ginpaambit sang singer kag aktor nga si Sam Milby nga na-diagnose siya nga may latent autoimmune diabetes in adults ukon LADA, isa ka kondisyon nga ginakabig nga Type 1.5 diabetes.
Suno kay Sam, una nga na-diagnose siya nga may Type 2 diabetes, apang pagkatapos sang maid-id nga medical checkup sa Singapore, ginkumpirmar sang mga doktor nga Type 1.5 ini — isa ka autoimmune disease sa diin ang pancreas amat-amat nga nagauntat sa paghimo sang insulin.
Sang ginpamangkot si Sam angut sa iya kondisyon, gin-ako sang aktor nga seryoso ini.
Sa pihak sang iya balatian, si Sam nagapabilin nga positibo kag determinado nga mangin mabaskog ang iya pagpangabuhi
Dugang pa ni Sam, plano sini nga mangin mas aktibo sa pag-ehersisyo kag magkaun sang healthy nga pagkaon agud makontrol ang iya kondisyon.
Sa subong, si Sam nagapabilin nga inspirasyon sa iya mga fans tungod sang iya pagkamalig-on, disiplina, kag positibo nga panan-awan sa pihak sang pagpanghangkat sa iya nga ikaayong lawas.
