Wala ginpalampas sang singer nga si Kris Lawrence ang iya naagyan sa anay celebrity contestant idol nga si Alvin Aragon angut sa natabo sang 2006 kun sa diin gin-alegar ginkawat ang iya cellphone.
Ginhimo sang singer ang pahayag matapos liwat nga nag-viral ang daan nga video ni Alvin sa diin gin-ako sini nga ginkawatan niya ang singer kag isa pa ka persona.
Sa iya social media page, gin-share ni Kris kon paano niya nakilala si Alvin upod sa isa ka grupo sa isa ka ilimnan upod ang iya abyan nga singer nga si Jay R.
Suno sa iya, sang manugsira na ang ilimnan, gin-agda niya ang grupo sa iya balay agud padayunon ang pag-inom.
Ginpahayag man sini nga isa sa mga abyan ni Alvin ang nagtawag sa iya agud akuon nga si Alvin mismo ang nagkuha sang iya celphone.
Apisar sa mga natabo, ginkalimtan nalang ni Kris ang tanan tubtob nga naggwa ang video ni Alvin.
Dugang pa sini, nga sa subong isa na ka maayo nga tawo si alvin kag ginlaraway pa nga isa siya ka mabuot nga Cristiano.
