Singer nga si Karylle, nagapangasubo bangud sa pagtaliwan sang iya amay

Nagapangasubo sa karon ang singer nga si Karylle Marquez bangud sa pagtaliwan sang iya amay nga si Modesto Tatlonghari.

Sa social media account sang singer, ginpakigbahin sini ang masubo nga balita.

Nag-post ini sang laragway kaupod ang iya amay kun sa diin may caption ang singer sang pagdayaw sa nagpahuway sini nga amay apang wala naman namensyonar sa post kun ano ang rason sang pagtaliwan.

Nakahamyang ang amay sini sa Santurio De San Jose Parish sa Greenhills, Mandaluyong.

Ang amay ni Karylle ang anay asawa sang singer nga si Zsa Zsa Padilla.

Nagbubo naman ang pagpakig-unong gikan sa mga kaupdanan sini sa industriya matapos nga mahibaluan ang masubo nga balita.