Singer nga si Regine Velasquez, magahiwat sang katapusan nga concert antes magretiro

Ginbuyagyag sang singer nga si Regine Velasquez ang iya plano nga maghiwat sang iya katapusan nga concert antes magretiro.

Suno kay Regine, una niya nga gina-finalize ang petsa kag lugar kun sa diin pagahiwaton ang nasambit nga concert kag mangin iya ini nga solo show.

Dugang pa niya, kabahin ini sang iya selebrasyon sang iya ika-40 years sa entertainment industry.

Gin-athag man sini nga may yara pa siya sang mga proyekto nga natalana sa masunod nga tuig apang wala niya na ini ginsambit pa.

Gin-ako man niya nga nagabag-o ang iya tingog samtang nagatigulang na siya.