Kaangay nga ginsuwerte ang pila ka mga fans ni Fil-Am singer Olivia Rodrigo matapos nila nga makit-an sang malapitan sa personal ang ila nga idolo sa Intramuros sa Maynila.
Spotted suno diri si Olivia sa nagkalain-lain nga tourist spot sa Intramuros, kun sa diin kaupod niya ang ginpahayag romantic partner kag aktor nga si Louis Partridge.
Makit-an man sa social media ang nanari-sari nga kuha sang netizens kun sa diin pila sa mga gin-try ni Olivia amo ang “bambike,” pagbisita sa Baluarte de San Diego kag Casa Manila.
Matandaan nga sini nga Huwebes, Oktubre 3, 2024 sang nag-abot sa pungsod ang 21-anyos nga singer para sa iya nga nagahilapit nga “GUTS world tour,” nga pagahiwaton sa Philippine Arena subong nga Oktubre 5, 2024.
Samtang, sang damlag lang gin-anunsyo nga sold-out na suno diri ang ticket para sa concert ni Olivia, nga gindumog sang fans matapos ang nga ginapahayag barato ang presyo sang ticket pricing.
