ROXAS CITY – Pilason nga gindala sa ospital ang singer sa banda nga naglumpat sa ginasakyan nga tricycle sa Arnaldo Bouelvard, Barangay Baybay, Roxas City.
Ginkilala ang biktima nga si Darilyn Delfin sang Poblacion Panit-an, Capiz nga nag-angkon sang gasgas sa lawas matapos nga naglumpat sa tricycle.
Sa inisyal nga imbestigasyon sang kapulisan, sakay ang biktima sa tricycle nga ginamaneho ni Ariel Jangor 42-anyos sang Sunshine Village, Barangay Banica, Roxas City kaupod ang apat ka iban pa nga pasahero nga sanday Kristine Joy Ponsaran sang Barangay Milibili, Fritz Kyle Falcis sang Barangay Baybay, Dorothy Fundal sang Arnaldo Boulevard kag John Emerson Alicaya sang Barangay Tanque, Roxas City sang nawigit ang cellphone ni Delfin.
Bangud ginaalegar nga wala gilayon nagpondo ang tricycle sa pihak nga nagsinggit na si Delfin nga nahulog ang iya nga cellphone, naglumpat na lamang ang biktima.
