Singer-songwriter nga si Taylor Swift, naghatag  sang P117 million nga donasyon sa pila ka mga charity

Naghatag sang donasyon nga nagabalor sang P117-milyon sa pila ka mga charity ang singer-songwriter nga si Taylor Swift.

Ginkumpirmar sang non-profit organization nga Feeding America nga naghataga sang $1-M nga donasyon ang singer sang Disyembre 23.

Kalakip sa ginhatagan sini sang donasyon ang American Heart Association (AHA) bilang pagkilala sang amay sini nga si Scott nga nagpaidalom sa quintuple bypass surgery kag cardiovascular disease sang Enero.

Ginpasalamatan man sang MusiCares Foundation ang singer bangud sa ginhatag sini nga donasyon para sa mga nagaserbisyo sa Country Music Community nga nagahatag sang music therapy.