ROXAS CITY – Nagpabalhag sa Mambusao Municipal Police Station ang Site Engineer sang isa ka Telecommunications company, matapos ginaalegar ginkawat sang wala matumod nga mga suspetsado, ang ila electrical wires nga pagagamiton kuntani sa ongoing construction sang Smart Communication Cell site sa Brgy. Burias Mambusao Capiz.
Ginkilala ang nagpabalhag kay Joel Obaoag Gonato, 25-anyos, kag residente sang Brgy. Mambugan, Antipolo City, Rizal apang temporaryo nga nagapuyo sa Brgy. Bolo, Roxas City.
Sa imbestigasyon sang Mambusao PNP, nadiskubrehan nalang sang Engineer nga nagkaladula na ang mga pagkabutang nga nahamtang sa likod sang ila narentahan nga apartament sa nasambit nga banwa, kaangay sang Bare copper, green coated wire, red coated wire, black coated wire kag 3 kag tatlo ka box sang black, green kag red coated wire nga nagabalor sang masobra P200,000.
Nahibaluan nga naglakat ang engineer kag wala makandaduhan ang nalikod nga bahin sang amu nga balay.
Sa karon, padayon pa ang imbestigasyon sang kapulisan sa natabo nga insidente.
