Balik na sa normal ang sitwasyon sa Qatar matapos ang mga nagligad nga tensyon sa tunga sang Iran kag Israel, kag sa mga ginlunsyar nga airstrike sang US kontra sa mga nuclear sites sang Iran.
Sa interview sang Bombo Radyo kay Bombo Joseph Timothy Rivera, International Correspondent sa Qatar, ginpahayag niya nga malinong na ang palibot kag wala sang problema sa seguridad. Gani, bisan pa man may tensyon sa rehiyon, nagapabilin nga alerto ang mga pumuluyo kag mga otoridad.
Dugan pa sini, wala sang daku nga kahalitan nga nadala sang pag-atake sang Iran sa US military base sa Al Udeid, nga nahamtang sa guwa sang kapital. Sa sini nga insidente, madamo man sang mga missile ang na-intercept, rason nga nahupay ang pagkabalaka sang mga pumuluyo.
Nahibaluan nga bangud sa pagpaukoy sa karon sang Iran kag Israel kag pagpatuman sang ceasefire agreement, nagbalik sa kahilwayan ang Qatar. Apang, nagapabilin nga aligmat ang tagsa-tagsa sa mga nagakahinabo.
Sa karon, nagapadayon ang normal nga aktibidad sa mga syudad kag establisyemento sa Qatar, kag ginapanumdum gihapon sang mga otoridad nga magapabilin ang paghalong sa posibilidad sang dugang nga tensyon.
Interviewed by Bombo Francis Biñas
