ROXAS CITY – Kadungan sang una nga adlaw sang temporaryo nga pagpasarado sa tanan nga mga patyo sa pungsod nangin matawhay naman ang sitwasyon sa pila ka mga patyo sa probinsya sang Capiz.
Ini sandig sa issue nga ginpaguwa nga Inter Agency Task Force Resolution No. 72 agud man malikawan ang pagdinaguso sang mga tawo kag malikawan nga malatnan sang COVID-19 virus.
Makita gid ang presensya sang tanan nga mga katapo sang mga kapulisan kag mga force multipliers sa tagsa ka mga patyo sa probinsya.
Mahibaluan nga sa Nobyembre 5 pa pahanugotan nga makabisita ang mga pumuluyo sa ila mga nagtaliwan nga himata kun sa diin iga-obserbar ang 30% capacity sang mga nagasulod sa tagsa ka mga patyo.
Hugot naman nga ginapanugyanan ang mga pumuluyo nga magsunod sang nagakaigo nga mga minimum health standards kapareho sang pagsuksok sang facemask kag faceshield subongman ang pag-obserbar sang social distancing.
